നോർക്ക റൂട്ട്സ് (NORKA ROOTS) - സേവനങ്ങൾ ഒറ്റനോട്ടത്തിൽ

പ്രവാസി കേരളീയരുടെ ക്ഷേമത്തിനും പുനരധിവാസത്തിനുമായി കേരള സർക്കാർ ആവിഷ്കരിച്ച ഔദ്യോഗിക സംവിധാനമാണ് നോർക്ക റൂട്ട്സ്.

ഐഡി കാർഡും ഇൻഷുറൻസും എടുക്കുവാൻ സഹായം ആവശ്യമുള്ളവർ താഴെ കൊടുത്തിരിക്കുന്ന ഡോക്യൂമെന്റുമായി ബന്ധപ്പെടുക....

ആവശ്യമുള്ള ഡോക്യുമെന്റ്

പാസ്പോർട്ട് ആദ്യ പേജ്, അവസാന പേജ്, വിസ (പാസ്സ്പോർട്ടിനും വിസക്കും 6 മാസത്തെ കാലാവധി ഉണ്ടായിരിക്കണം) ഒരു ഫോട്ടോ, നിങ്ങളുടെ ഒപ്പ്, നിലവിൽ ഐഡി കാർഡ് ഉണ്ടെങ്കിൽ അതിന്റെ കോപ്പി... (ഈ ഡോക്കുമെൻ്റിനായി ബന്ധപ്പെട്ടവർ നിങ്ങളെ കോണ്ടാക്ട് ചെയ്യുന്നതാണ്)

ശ്രദ്ധിക്കുക : ഐഡി കാർഡ് പുതിയത് എടുക്കുന്നതിനും, പുതുക്കുന്നതിനും ഈ ഡോക്യൂമെന്റസ് എല്ലാം ആവശ്യമാണ്

പ്രവാസി ഐഡി കാർഡ് പുതുക്കൽ : കാലാവധി അവസാനിക്കുന്നതിന് 3 മാസം മുമ്പ് നിങ്ങൾക്ക് പുതുക്കലിനായി അപേക്ഷിക്കാം. നിർദ്ദിഷ്ട രേഖകളുടെ പകർപ്പുകളും പുതുക്കൽ ഫീസും സമർപ്പിക്കണം.

1. നോർക്ക ഐഡി കാർഡ് (NORKA ID Card)

A) നോർക്ക ഐഡി കാർഡ് (NORKA ID Card)

കേരള സർക്കാറിന്റെ കീഴിലെ (NORKA-Non Resident Keralite Affairs) നോർക്ക റൂട്ട്സ് വഴി പ്രവാസി മലയാളികൾക്കായി നൽകുന്ന വിലപ്പെട്ട രേഖയാണ് നോര്‍ക്ക പ്രവാസി ഐ.ഡി കാര്‍ഡ്.ഈ ഐ.ഡി കാര്‍ഡ് പ്രവാസികള്‍ക്ക് ഒരു തിരിച്ചറിയാല്‍ രേഖയായി ഉപയോഗിക്കുന്നതോടൊപ്പം അപകട ഇൻഷുറൻസ് 5 ലക്ഷം രൂപയും ഭാഗിക വൈകല്യത്തിന് 2 ലക്ഷം രൂപയും പരിരക്ഷ നൽകുന്നു.. ഈ കാർഡിന്റെ കാലാവധി 3 വർഷം ആണ്. ഈ ഐഡി കാര്‍ഡ് സര്‍ക്കാരിന്റെ വിവിധ പ്രവാസിക്ഷേമ പദ്ധതികള്‍ക്കായി ഉപയോഗിക്കാവുന്ന അടിസ്ഥാന രേഖയുമാണ്.

യോഗ്യത : പ്രായം 18-70 വയസ്സ്, നിങ്ങൾ കുറഞ്ഞത് 6 മാസമെങ്കിലും സാധുവായ പാസ്‌പോർട്ടും വിസയും ഉള്ള, വിദേശത്ത് താമസിക്കുന്നതോ ജോലി ചെയ്യുന്നതോ ആയ ഒരു പ്രവാസി ആയിരിക്കണം

2. നോർക്ക പ്രവാസി രക്ഷ ഇൻഷുറൻസ് പോളിസി (എൻ‌പി‌ആർ‌ഐ) NORKA PRAVASI RAKSHA INSURANCE POLICY - NPRI

B) നോർക്ക പ്രവാസി രക്ഷ ഇൻഷുറൻസ് പോളിസി (എൻ‌പി‌ആർ‌ഐ)

നോർക്ക പ്രവാസി രക്ഷാ ഇൻഷുറൻസ് പോളിസി, പ്രവാസികൾക്ക് ഗുരുതരമായ രോഗ പരിചരണം നൽകുന്നതിനായി നോർക്ക റൂട്ട്സ് ആരംഭിച്ച ഒരു ഇൻഷുറൻസ് പോളിസിയാണ്.

കവറേജിന്റെ വിശദാംശങ്ങൾ: രജിസ്റ്റർ ചെയ്ത മെഡിക്കൽ പ്രാക്ടീഷണറുടെ മെഡിക്കൽ സർട്ടിഫിക്കറ്റ് സമർപ്പിച്ചാൽ ഗുരുതരമായ രോഗത്തിന് (ഷെഡ്യൂൾ പ്രകാരം) ഒരു ലക്ഷം രൂപ നൽകുന്നു. ഗുരുതരമായ രോഗ പരിചരണത്തിന് പുറമേ, ആജീവനാന്തം 3 ലക്ഷം രൂപയുടെയും സ്ഥിരമായ/ഭാഗിക വൈകല്യത്തിന് 1 ലക്ഷം രൂപ വരെയും അപകട ഇൻഷുറൻസ് പരിരക്ഷയുടെ അധിക ആനുകൂല്യവുമുണ്ട്.

യോഗ്യത: കുറഞ്ഞത് 6 മാസത്തേക്ക് സാധുവായ പാസ്‌പോർട്ടും വിസയും ഉള്ള വിദേശത്ത് താമസിക്കുന്നതോ ജോലി ചെയ്യുന്നതോ ആയ പ്രവാസി ആയിരിക്കണം. 2025 ഏപ്രിൽ 1 മുതൽ, ഇന്ത്യയ്ക്കുള്ളിൽ താമസിക്കുന്ന പ്രവാസികൾക്കും പ്രവാസി രക്ഷാ ഇൻഷുറൻസ് പോളിസി ലഭിക്കാൻ അർഹതയുണ്ടായിരിക്കും. പ്രായം: 18-60 വയസ്സ്

കാലാവധി : ഒരു വർഷം, പുതുക്കാവുന്നതാണ്.

പുതുക്കൽ : കാലാവധി അവസാനിച്ച് 30 ദിവസത്തിനുള്ളിൽ നിങ്ങൾക്ക് പുതുക്കലിനായി അപേക്ഷിക്കാം. നിർദ്ദിഷ്ട രേഖകളുടെ പകർപ്പുകളും പുതുക്കൽ ഫീസും സമർപ്പിക്കണം.

പദ്ധതിയുടെ പ്രധാന വിവരങ്ങൾ (Key Details)

ഗുരുതര രോഗങ്ങൾക്ക് (Critical Illness): 13 പ്രധാന രോഗങ്ങൾക്കായി 1 ലക്ഷം രൂപ വരെ ലഭിക്കും

അപകട ഇൻഷുറൻസ് (Accident Cover): അപകട മരണത്തിന് 3 ലക്ഷം രൂപയും, സ്ഥിരമായോ ഭാഗികമായോ ഉള്ള അംഗവൈകല്യത്തിന് 1 ലക്ഷം രൂപ വരെയും ലഭിക്കും

യോഗ്യത (Eligibility) : 18 നും 60 നും ഇടയിൽ പ്രായമുള്ളവരായിരിക്കണം. കുറഞ്ഞത് 6 മാസത്തെ കാലാവധിയുള്ള പാസ്‌പോർട്ടും വിസയും ഉള്ള പ്രവാസികൾ

കാലാവധി (Validity) : ഒരു വർഷം (പുതുക്കാവുന്നതാണ്)

ആവശ്യമായ രേഖകൾ (Documents Needed) : പാസ്‌പോർട്ടിന്റെ കോപ്പി (ഫ്രണ്ട് & അഡ്രസ് പേജ്). വിസ പേജ് അല്ലെങ്കിൽ വർക്ക് പെർമിറ്റ്. അപേക്ഷകന്റെ ഫോട്ടോയും ഒപ്പും

പോളിസിയിൽ ഉൾപ്പെടുന്ന ഗുരുതരമായ രോഗങ്ങൾ :

• 1. കാൻസർ- ഓങ്കോളജിസ്റ്റ്
• 2. വൃക്ക പരാജയം (അവസാന ഘട്ട വൃക്കസംബന്ധമായ പരാജയം) - നെഫ്രോളജിസ്റ്റ്
• 3. പ്രാഥമിക ശ്വാസകോശ ധമനികളിലെ രക്താതിമർദ്ദം - കാർഡിയോളജിസ്റ്റ്/പൾമണോളജിസ്റ്റ്
• 4. മൾട്ടപ്പിൾ സ്ക്ലിറോസ് - ന്യൂറോളജിസ്റ്റ്
• 5. മേജർ അവയവം മാറ്റിവയ്ക്കൽ - ബന്ധപ്പെട്ട സ്പെഷ്യാലിറ്റി ഡോക്ടർ/ജനറൽ സർജൻ
• 6. കൊറോണറി ആർട്ടറി ബൈ-പാസ് ഗ്രാഫ്റ്റുകൾ - സിടിവിഎസ് (കാർഡിയോ തൊറാസിക് & വാസ്കുലർ സർജൻ)
• 7. അയോർട്ട ഗ്രാഫ്റ്റ് സർജറി - സിടിവിഎസ് (കാർഡിയോ തൊറാസിക് & വാസ്കുലർ സർജൻ)
• 8. ഹാർട്ട് വാൽവ് സർജറി - സിടിവിഎസ് (കാർഡിയോ തൊറാസിക് & വാസ്കുലർ സർജൻ)
• 9. സ്ട്രോക്ക് - ന്യൂറോളജിസ്റ്റ്
• 10. മയോകാർഡിയൽ ഇൻഫ്രാക്ഷൻ (ആദ്യത്തെ ഹൃദയാഘാതം) - കാർഡിയോളജിസ്റ്റ്
• 11. കോമ - ന്യൂറോളജിസ്റ്റ്
• 12. പൂർണ്ണ അന്ധത - നേത്രരോഗവിദഗ്ദ്ധൻ
• 13. പക്ഷാഘാതം - ന്യൂറോളജിസ്റ്റ്

3. നോർക്ക കെയർ : ആരോഗ്യ & ഗ്രൂപ്പ് വ്യക്തിഗത അപകട ഇൻഷുറൻസ് പദ്ധതി NORKA CARE : Health & Group Personal Accident Insurance Scheme

പ്രവാസി മലയാളികൾക്കുള്ള സമഗ്ര ആരോഗ്യ & ഗ്രൂപ്പ് വ്യക്തിഗത അപകട ഇൻഷുറൻസ് പദ്ധതി (₹5 ലക്ഷം ആരോഗ്യ ഇൻഷുറൻസ് + ₹10 ലക്ഷം ഗ്രൂപ്പ് വ്യക്തിഗത അപകട പരിരക്ഷ)

പോളിസി കാലയളവ് : ഒരു വർഷം

പണരഹിത ചികിത്സ ഇന്ത്യയിലുടനീളം 12,000-ത്തിലധികം എംപാനൽ ചെയ്ത ആശുപത്രികളിലും കേരളത്തിലെ 500-ലധികം ആശുപത്രികളിലും ലഭിക്കുന്നു

വിദേശത്തും മറ്റ് ഇന്ത്യൻ സംസ്ഥാനങ്ങളിലും താമസിക്കുന്ന പ്രവാസി മലയാളികൾക്കും അവരുടെ കുടുംബങ്ങൾക്കും സമഗ്രമായ ആരോഗ്യ, അപകട ഇൻഷുറൻസ് പരിരക്ഷ നോർക്ക കെയർ നൽകുന്നു.

പോളിസിയിൽ ചേരുവാനുള്ള യോഗ്യത :

• സാധുവായ നോർക്ക പ്രവാസി ഐഡി കാർഡുള്ള എൻ‌ആർ‌കെകൾ
• നോർക്ക വിദ്യാർത്ഥി ഐഡി കാർഡുള്ള വിദേശത്ത് പഠിക്കുന്ന കേരള വിദ്യാർത്ഥികൾ
• എൻ‌ആർ‌കെ ഐഡി കാർഡുള്ള മറ്റ് ഇന്ത്യൻ സംസ്ഥാനങ്ങളിൽ താമസിക്കുന്ന എൻ‌ആർ‌കെകൾ
• 18 മുതല്‍ 70 വയസ്സുവരെയുളള സാധുവായ നോര്‍ക്ക പ്രവാസി ഐ.ഡിയോ, സ്റ്റുഡന്റ് ഐ.ഡിയോ, എന്‍.ആര്‍.കെ ഐ.ഡിയോ ഉളള പ്രവാസികേരളീയര്‍ക്കാണ്

ആരോഗ്യ ഇൻഷുറൻസ് :

• ഗ്രൂപ്പ് പേഴ്സണൽ ആക്സിഡന്റ് മെഡിക്ലെയിം പോളിസി

കവറേജ് :

• കുടുംബത്തിന് അഞ്ചു ലക്ഷം, 10 ലക്ഷം, 15 ലക്ഷം, 20 ലക്ഷം, 25 ലക്ഷം, 50 ലക്ഷം ഒരു കോടി രൂപ എന്നിങ്ങനെയുളള 07 വിവിധ സ്ലാബുകളില്‍ ഇന്‍ഷുറന്‍സ് പരിരക്ഷ ലഭ്യമാക്കുന്നതാണ് നോര്‍ക്ക കെയര്‍ പ്ലസ് പദ്ധതി
• 10 ലക്ഷം മുതല്‍ ഒരു കോടി രൂപ വരെയുളള പോളിസികളില്‍ പോളിസി ഉടമയുടെയോ പങ്കാളിയുടേയോ മാതാപിതാക്കളേയും (80 വയസ്സു വരെ) ഉള്‍പ്പെടുത്താനാകും.
• അംഗത്തിന് 10 ലക്ഷം രൂപയുടെ അപകട ഇൻഷുറൻസ് പരിരക്ഷ ലഭിക്കും
• ഭർത്താവ്, ഭാര്യ, 25 വയസ്സ് വരെ പ്രായമുള്ള 2 കുട്ടികൾ എന്നിവരടങ്ങുന്ന കുടുംബത്തിന് ഈ പോളിസി ലഭിക്കും. അധിക കുട്ടികളെ തുക നൽകി ഉൾപ്പെടുത്താം
• വിദേശത്തോ മറ്റ് സംസ്ഥാനങ്ങളിലോ വെച്ച് മരണപ്പെട്ടാൽ മൃതദേഹം നാട്ടിൽ എത്തിക്കുന്നതിനുള്ള ചെലവുകൾ ഇൻഷുറൻസ് പരിധിയിൽ വരും
• അംഗത്തിൻ്റേയോ പാർട്ണറുടേയോ രക്ഷകർത്താക്കളെ അധിക പൈസ കൊടുത്ത് ഇൻഷുറൻസിൽ ചേർക്കുവാനുള്ള സൌകര്യം
• മരണം: ഇൻഷ്വർ ചെയ്ത തുകയുടെ 100% + റീപാട്രിയേഷൻ (ഇന്ത്യയ്ക്കുള്ളിൽ: ₹25,000, ഇന്ത്യയ്ക്ക് പുറത്ത്: ₹50,000)
• സ്ഥിരമായ/പൂർണ്ണ വൈകല്യം: 100% കവറേജ്
• സ്ഥിരമായ/ഭാഗിക വൈകല്യം: പോളിസി ഷെഡ്യൂൾ പ്രകാരം
• നോർക്ക കെയർ ഹൈലൈറ്റുകൾ
• നിലവിലുള്ള രോഗങ്ങൾക്കുള്ള കവറേജ്
• കാത്തിരിപ്പ് കാലയളവ് ഇല്ല (30 ദിവസം ഇളവ് നൽകി)
• 60 ദിവസത്തെ ക്ലെയിം സമർപ്പിക്കൽ വിൻഡോ
• ഇന്ത്യയിലുടനീളമുള്ള 20,000+ ആശുപത്രികളിൽ പണരഹിത സേവനം.
• ആയുർവേദ/ആയുഷ് ചികിത്സകൾക്ക് വർഷത്തിൽ ₹50,000 വരെ ലഭിക്കും.

കേരളത്തിലെ 688 ലധികം ആശുപത്രികള്‍ ഉള്‍പ്പെടെ രാജ്യത്തെ 24,000 ത്തോളം ആശുപത്രികള്‍ വഴി ക്യാഷ്ലെസ്സ് ചികിത്സ ഉറപ്പാക്കുന്നതാണ് പദ്ധതി. നോര്‍ക്ക കെയര്‍, നോര്‍ക്ക കെയര്‍ പ്ലസ് പദ്ധതികളിലായി 138 രാജ്യങ്ങളില്‍ നിന്നുളള 1,62,000 ത്തോളം പ്രവാസികുടുംബങ്ങളാണ് ഇതുവരെ എന്‍റോള്‍ ചെയ്തത്. 2026 ജൂലൈ 31 വരെ 31,660 പോളിസി ഉടമകള്‍ക്ക് 227 കോടി രൂപ ക്ലെയിം ഇനത്തില്‍ നല്‍കി. 99.38% ക്ലയിമുകളും തീര്‍പ്പാനായി എന്ന മികച്ച നേട്ടത്തോടെയാണ് നോര്‍ക്ക കെയര്‍ പ്ലസ്സ് രണ്ടാംഘട്ട എന്‍റോള്‍മെന്റിലേയ്ക്ക് കടക്കുന്നത്.

നോർക്ക കാർഡ് എടുക്കുന്നതിനും ആരോഗ്യ ഇൻഷുറൻ്സ് എടുക്കുന്നതിനുള്ള സഹായത്തിനായി ഞങ്ങളെ ബന്ധപ്പെടാവുന്നതാണ്... സുഭാഷ് തോമസ് അങ്ങാടിക്കൽ: +97333780699 ബിജോയ് പ്രഭാകരൻ: +97338843528